نیویارک میں ’ٹیکس ورلڈ 2026ء‘ نمائش کا انعقاد، پاکستان کی بھرپور شرکت

نیویارک کے مشہور ‘جیکب کے جاوِٹس کنونشن سینٹر’ میں عالمی ٹیکسٹائل نمائش ’ٹیکس ورلڈ این وائی سی 2026‘ (Texworld NYC 2026) کا باقاعدہ آغاز ہو گیا ہے، جس میں پاکستان نے اپنے خصوصی قومی پویلین کے ذریعے شرکت کی۔

پاکستان پویلین کا باقاعدہ افتتاح امریکہ میں پاکستان کے سفیر رضوان سعید شیخ نے نیویارک میں پاکستان کے قونصل جنرل عامر احمد اتوزئی اور ٹریڈ کونسلر عدنان محمود اعوان کے ہمراہ کیا۔ ٹیکسٹائل اینڈ ڈائریکٹوریٹ / TDAP اور نیویارک میں پاکستانی قونصل خانے کے اشتراک سے قائم اس پویلین میں 5 ممتاز پاکستانی کمپنیوں نے ٹیکسٹائل، ہوم ٹیکسٹائل، لیدر مصنوعات، سپورٹس ویئر اور تیار ملبوسات سمیت اعلیٰ معیار کی ویلیو ایڈڈ مصنوعات پیش کیں۔ سفیرِ پاکستان نے برآمد کنندگان سے گفتگو کرتے ہوئے امریکہ کے ساتھ تجارتی روابط کے فروغ اور عالمی سطح پر ‘میڈ اِن پاکستان’ برانڈ کو مضبوط بنانے کے عزم کا اعادہ کیا۔