پاور سیکٹر کا گردشی قرض 1740 ارب روپے تک پہنچ گیا

جون 2026 تک پاور سیکٹر کا گردشی قرض بڑھ کر 1,740 ارب روپے کی سطح تک پہنچ گیا ہے، جبکہ بین الاقوامی مالیاتی فنڈ (آئی ایم ایف) کے ساتھ طے شدہ ہدف کے مطابق اسے 1,600 ارب روپے تک محدود رکھنا تھا۔ ذرائع کے مطابق گزشتہ مالی سال کے دوران پاور سیکٹر کے گردشی قرض میں تقریباً 480 ارب روپے کا اضافہ ہوا، جس کی ایڈجسٹمنٹ کے لیے وزارتِ خزانہ نے 350 ارب روپے فراہم کیے، تاہم اس کے باوجود مجموعی اسٹاک میں 130 ارب روپے سے زائد کا نیٹ اضافہ ریکارڈ کیا گیا۔ حکومت اور آئی ایم ایف کے درمیان گردشی قرض کے بہاؤ کو صفر رکھنے پر اتفاق ہوا تھا، تاہم ہدف سے 140 ارب روپے تجاوز کرنے کے بعد متعلقہ وزارت اس اضافی رقم کی ایڈجسٹمنٹ کے لیے حکمتِ عملی تیار کر رہی ہے۔ حکام کو توقع ہے کہ آئندہ اقتصادی جائزے تک گردشی قرض کو دوبارہ مقررہ حد تک لایا جائے گا۔