امریکا، ایران کشیدگی میں کمی کے بعد عالمی منڈی میں خام تیل کی قیمتیں گر گئیں

عالمی مارکیٹ میں امریکہ اور ایران کی جانب سے ایک دوسرے کے خلاف کارروائیاں نہ کرنے کے اعلانات کے بعد خام تیل کی قیمتوں میں نمایاں کمی ریکارڈ کی گئی ہے۔ عالمی منڈی میں امریکی کروڈ آئل کی قیمت 5.90 فیصد کمی کے بعد 83.42 ڈالر فی بیرل ہو گئی ہے، جبکہ برینٹ کروڈ آئل 7.37 فیصد سستا ہو کر 89.41 ڈالر فی بیرل پر آ گیا ہے۔ توانائی مارکیٹ کے ماہرین کے مطابق مشرق وسطیٰ میں کشیدگی میں کمی اور خطے کی صورتحال مستحکم ہونے کے باعث سرمایہ کاروں کے اعتماد میں بہتری آئی ہے، جس کے اثرات خام تیل کی قیمتوں میں کمی کی صورت میں ظاہر ہوئے ہیں۔