صنعتی شعبے میں تیزی، بڑے پیمانے کی مینوفیکچرنگ میں 5.77 فیصد اضافہ

پاکستان کے صنعتی شعبے میں تیزی سے ترقی کا رجحان برقرار ہے، جہاں اسپیشل انویسٹمنٹ فیسیلیٹیشن کونسل (SIFC) کی سہولت کاری کے نتیجے میں بڑے پیمانے کی مینوفیکچرنگ (LSM) میں سالانہ بنیادوں پر 5.77 فیصد کا نمایاں اضافہ ریکارڈ کیا گیا ہے۔ سرکاری اعداد و شمار کے مطابق جولائی تا مئی مالی سال 2025-26 کے دوران کوانٹم انڈیکس آف مینوفیکچرنگ بڑھ کر 121.65 ہو گیا، جو گزشتہ مالی سال کے اسی عرصے میں 115.02 تھا۔ ایس آئی ایف سی کی جانب سے صنعت کی بحالی اور پالیسی معاونت سے پیداواری صلاحیت، برآمدات اور نئی سرمایہ کاری میں بہتری آ رہی ہے، جسے معاشی ماہرین ملک کی پائیدار معاشی نمو کے لیے مثبت پیش رفت قرار دے رہے ہیں۔