امریکا کا ایل پی جی ٹینکر پر میزائلوں سے حملہ، عملے کے 2 اہلکار ہلاک ہوگئے: ایرانی میڈیا

ایرانی خبر ایجنسی نے دعویٰ کیا ہے کہ امریکی فوج نے خلیج عمان میں ایک ایل پی جی ٹینکر کو میزائلوں سے نشانہ بنایا ہے، جس کے نتیجے میں عملے کے 2 افراد ہلاک ہو گئے ہیں۔ رپورٹ کے مطابق امریکا نے اس ٹینکر کو ایرانی گیس لے جانے والا جہاز سمجھ کر نشانہ بنایا۔ شدید حملے کے باعث ایل پی جی ٹینکر کا انجن روم مکمل طور پر تباہ ہو گیا ہے اور جہاز کارآمد نہیں رہا۔ اس واقعے سے خطے میں مزید بحری اور سیاسی کشیدگی بڑھنے کا خدشہ ظاہر کیا جا رہا ہے۔