حساس معلومات لیک ہونے کا معاملہ، جے ڈی وینس کے قریبی سکیورٹی اہلکار کے خلاف تحقیقات

واشنگٹن میں امریکی نائب صدر جے ڈی وینس کی سیکیورٹی ٹیم کے ایک سیکرٹ سروس اہلکار کے خلاف حساس سفری معلومات میڈیا تک پہنچانے کے الزام میں تحقیقات کا آغاز کر دیا گیا ہے۔ سیکرٹ سروس کے ترجمان انتھونی گگلیلمی کے مطابق اہلکار پر آپریشنل اور انفارمیشن سیکیورٹی کی خلاف ورزی کے الزامات ہیں، جس پر انتظامی اور ممکنہ فوجداری کارروائی کی جا رہی ہے۔ یہ معاملہ امریکی میڈیا میں شائع ہونے والی اس رپورٹ کے بعد سامنے آیا جس میں دعویٰ کیا گیا تھا کہ نائب صدر اپنے بیٹے کو گالف کی تربیت کے لیے سرکاری ہیلی کاپٹر “میرین ٹو” (Marine Two) کے ذریعے منتقل کرنا چاہتے تھے، تاہم خراب موسم کی وجہ سے یہ پرواز منسوخ کر دی گئی تھی۔