سٹاک مارکیٹ میں مندی، انڈیکس ایک لاکھ 70 ہزار پوائنٹس کی حد کھو بیٹھا

پاکستان اسٹاک ایکسچینج میں کاروباری ہفتے کے پانچویں اور آخری روز شدید مندی کا رجحان غالب رہا، جس کے باعث ہنڈرڈ انڈیکس 1,70,000 (ایک لاکھ 70 ہزار) کی اہم نفسیاتی حد بھی کھو بیٹھا۔ کاروبار کے آغاز پر ہی بازارِ حصص میں فروخت کے شدید دباؤ کے باعث ہنڈرڈ انڈیکس میں 1,800 سے زائد پوائنٹس کی بڑی کمی ریکارڈ کی گئی، جس سے انڈیکس گر کر 1,69,885 پوائنٹس کی سطح پر آ گیا۔ واضح رہے کہ گزشتہ کاروباری روز بھی مارکیٹ شدید مندی کی زد میں رہی تھی اور انڈیکس 2,690 پوائنٹس کی کمی کے ساتھ 1,71,739 کی سطح پر بند ہوا تھا، اور یہ مسلسل دوسرا روز ہے کہ سرمایہ کاروں کو بھاری مالی نقصان کا سامنا کرنا پڑ رہا ہے۔