ٹرمپ کی نقل اتارنے والے شخص کی ویڈیو وائرل

امریکی ریاست جارجیا میں سابق امریکی صدر ڈونلڈ ٹرمپ کی ایک عوامی تقریر کے دوران انتہائی دلچسپ اور مزاحیہ واقعہ پیش آیا، جس کی ویڈیو سوشل میڈیا پر تیزی سے وائرل ہو رہی ہے۔

تقریر کے دوران ٹرمپ کے بالکل پیچھے بیٹھے ایک شخص نے ان کے مخصوص باڈی لینگویج، اشاروں اور چہرے کے تاثرات کی بالکل ویسی ہی نقل اتارنا شروع کر دی۔ اس شخص نے ٹرمپ کا معروف اندازِ گفتگو، ہاتھ ہلانے کی عادت، اور مکا لہرانے کے انداز کو انتہائی مزاحیہ طریقے سے کاپی کیا، حتیٰ کہ وہ ٹرمپ کی تقاریر کے الفاظ پر اپنا منہ بھی انہی کے ساتھ ساتھ ہلاتا رہا۔

یہ دلچسپ مناظر کیمرے میں محفوظ ہو گئے اور سوشل میڈیا پر آتے ہی وائرل ہو گئے۔ انٹرنیٹ صارفین اس مزاحیہ حرکت سے بے حد لطف اندوز ہو رہے ہیں اور مختلف تبصرے کر رہے ہیں . ایک صارف نے لکھا: “سچ کہوں تو یہ دیکھنا انتہائی مزاحیہ ہے، مجھے یقین نہیں آرہا کہ کسی میں وہاں ایسا کرنے کی اتنی ہمت تھی۔ ایک اور صارف نے کہا: “مجھے اس بندے سے محبت ہو گئی ہے، بالکل پرفیکٹ ٹائمنگ ہے۔ جبکہ ایک اور صارف کا کہنا تھا: “ٹرمپ کے ساتھ ساتھ یہ الفاظ بھی اتنی ہی خوبصورتی اور روانی سے ادا کر رہا ہے۔”