یمنی حوثیوں کا بحری ناکہ بندی کی خلاف ورزی پر سعودیہ کے 2 آئل ٹینکرز پر حملہ

یمن کی حوثی اکثریتی جماعت انصار اللہ نے بحیرہ احمر میں عائد کردہ بحری ناکہ بندی کی خلاف ورزی پر سعودی عرب کے 2 آئل ٹینکرز کو نشانہ بنانے کا دعویٰ کیا ہے۔ سعودی سرکاری خبر رساں ایجنسی اور برطانوی میری ٹائم ایجنسی کے مطابق سعودی ساحل الشقیق سے 70 ناٹیکل میل دور سفر کے دوران ایک آئل ٹینکر پر میزائل حملے کے بعد آگ بھڑک اٹھی، تاہم عملہ محفوظ رہا اور کوئی جانی یا ماحولیاتی نقصان رپورٹ نہیں ہوا۔ انصار اللہ کے ترجمان نے کچھ روز قبل صنعا ایئرپورٹ کی بندش اور یمن کے محاصرے کے جواب میں سعودی عرب کے خلاف باضابطہ بحری ناکہ بندی کا اعلان کیا تھا، جس کے بعد یہ کارروائی سامنے آئی ہے۔