امریکا نے کوئی غلطی کی تو نتائج عالمی معیشت کو بھی متاثر کریں گے، علی اکبر ولایتی

ایرانی سپریم لیڈر آیت اللہ علی خامنہ ای کے سینئر مشیر علی اکبر ولایتی نے امریکہ کو سخت تنبیہ کرتے ہوئے کہا ہے کہ اگر واشنگٹن نے کسی قسم کی عسکری غلطی کی تو اس کے سنگین نتائج صرف جنگی یا فوجی میدان تک محدود نہیں رہیں گے، بلکہ اس کے اثرات عالمی معیشت اور توانائی کی بین الاقوامی منڈیوں کو بھی شدید متاثر کریں گے۔

سوشل میڈیا پلیٹ فارم “ایکس” (سابقہ ٹوئٹر) پر جاری اپنے اہم بیان میں علی اکبر ولایتی نے واضح کیا کہ ایران اب ایک بالکل نئے مرحلے کی “مزاحمتی حکمتِ عملی” (Resistance Strategy) میں داخل ہو چکا ہے۔ انہوں نے امریکہ کو خبردار کرتے ہوئے کہا کہ یہ سوچنا یا اندازہ لگانا کہ ایران پر کم قیمت یا معمولی نقصان کے ساتھ کوئی بھی حملہ کیا جا سکتا ہے، امریکی حکام کا ایک انتہائی غلط اور بھیانک اندازہ ہو گا۔

ایرانی سپریم لیڈر کے مشیر کا مزید کہنا تھا کہ وائٹ ہاؤس اور امریکی انتظامیہ کو یہ اچھی طرح معلوم ہونا چاہیے کہ ایران کو مسلسل دھمکیاں دینے اور خطے میں اپنے مقامی اتحادیوں کو متحرک کرنے سے امریکہ کو ہرگز سلامتی یا استحکام حاصل نہیں ہو گا۔ انہوں نے زور دے کر کہا کہ واشنگٹن کی غلط پالیسیوں اور عسکری غلطیوں کے برے اثرات خطے سے نکل کر پوری دنیا تک پھیل جائیں گے۔