چین نے جاپانی کے نام نہاد تحفظات کو بے بنیاد قرار دیتے ہوئے مسترد کر دیا

چین نے متعلقہ بین الاقوامی سمندری حدود میں کی جانے والی اپنی سرگرمیوں پر جاپان کے نام نہاد تحفظات کو مکمل طور پر بے بنیاد قرار دیتے ہوئے مسترد کر دیا ہے۔ چین کی وزارتِ خارجہ کے ترجمان لین جیان نے پریس بریفنگ کے دوران کہا کہ روس کے ساتھ مشترکہ فوجی مشقیں اور بحری گشت بین الاقوامی قوانین اور روایات کے عین مطابق ہیں۔ انہوں نے مزید کہا کہ جاپان دیگر ممالک کی قانونی سرگرمیوں کو بدنام اور سیاسی رنگ دے کر دراصل بیرونی خطرات کا من گھڑت تاثر پیدا کر رہا ہے تاکہ وہ اپنی تیز رفتار ازسرِ نو عسکریت پسندی کا جواز پیش کر سکے۔ ترجمان نے عالمی برادری پر زور دیا کہ وہ جاپان کے اس خطرناک رجحان پر گہری نظر رکھے اور اس کی مزاحمت کرے۔