بھارت میں مودی حکومت کے خلاف طلبہ احتجاج شدت اختیار کر گیا

بھارت میں مودی حکومت کی پالیسیوں کے خلاف احتجاجی لہر میں شدید تلخی آ گئی ہے اور ہزاروں طلبہ تعلیمی اصلاحات کے مطالبات کے ساتھ سڑکوں پر نکل آئے ہیں۔ بھارتی میڈیا کے مطابق مظاہرین نے پارلیمنٹ کی جانب پیش قدمی کی، جسے روکنے کے لیے پولیس نے آنسو گیس کے گولے داغے اور لاٹھی چارج کیا۔ سماجی کارکن سونم وانگچک کو طبی حالت خراب ہونے پر ہسپتال منتقل کیے جانے کے بعد احتجاج میں مزید شدت دیکھنے میں آئی، جس کے دوران طلبہ اور پولیس میں شدید جھڑپیں ہوئیں۔ مظاہرین نے بھارتی وزیراعظم نریندر مودی اور وزیر تعلیم سے فوری استعفے کا مطالبہ کرتے ہوئے مودی مخالف نعرے بازی کی، جبکہ متعدد سماجی اور انسانی حقوق کے کارکن بھی طلبہ کی حمایت میں احتجاج میں شامل ہو گئے ہیں۔