ٹرمپ کی جانب سے رواں ہفتے درجنوں ممالک پر نئے ٹیرف عائد کئے جانے کا امکان

امریکی صدر ڈونلڈ ٹرمپ رواں ہفتے درجنوں ممالک پر نئے درآمدی ٹیرف نافذ کرنے کی تیاری کر رہے ہیں۔ برطانوی اخبار کی رپورٹ کے مطابق جمعہ کو عارضی 10 فیصد عالمی ٹیرف کی مدت ختم ہونے کے بعد نئی ڈیوٹیاں نافذ کی جا سکتی ہیں۔ ابتدائی مرحلے میں بیشتر ممالک پر 10 فیصد ٹیرف برقرار رہنے کا امکان ہے، جبکہ انتظامیہ زیادہ شرح کے ٹیرف کے لیے قانونی بنیادیں تیار کر رہی ہے۔ اس سے قبل سپریم کورٹ کی جانب سے 20 فروری 2026 کو مستقل ٹیرف کو غیر آئینی قرار دینے کے بعد، صدر ٹرمپ نے سیکشن 122 کے تحت 150 دنوں کے لیے 15 فیصد عارضی ٹیکس عائد کیا تھا، جس کی مدت 24 جولائی 2026 کو ختم ہو رہی ہے۔ اس کے علاوہ، ٹرمپ انتظامیہ نے کینیڈا سے آنے والی گاڑیوں اور دیگر اشیا پر بھی 50 فیصد ٹیکس عائد کر دیا ہے جو اگلے ماہ سے نافذ العمل ہوگا۔