ایرانی حملوں سے 2 ہفتوں میں تقریباً 100 امریکی فوجی زخمی ہوئے: پینٹاگون

امریکی محکمہ دفاع (پینٹاگون) نے تصدیق کی ہے کہ ایران کے ساتھ گزشتہ دو ہفتوں سے جاری فوجی تنازع میں تقریباً 100 امریکی اہلکار زخمی ہوئے ہیں۔ پینٹاگون کے ترجمان شان پارنیل کے مطابق 7 جولائی سے اب تک متاثر ہونے والے ان اہلکاروں میں سے 96 فیصد علاج کے بعد دوبارہ اپنی ڈیوٹی پر واپس آ چکے ہیں۔ یہ انکشاف ایک ایسے وقت میں سامنے آیا ہے جب امریکی فوج نے حال ہی میں ایرانی حملوں میں مارے جانے والے اپنے اہلکاروں کی شناخت ظاہر کی ہے۔ دفاعی حکام اور امریکی میڈیا کے مطابق اردن اور شمالی عراق میں امریکی اڈوں پر ایران کے جوابی میزائل اور ڈرون حملوں کے بعد ہلاکتوں میں مزید اضافے کا خدشہ ظاہر کیا جا رہا ہے، جبکہ ملنے والے ناقابلِ شناخت جسمانی اعضا کا تجزیہ بھی جاری ہے۔ واضح رہے کہ ‘ڈیفنس کیژولٹی اینالیسس سسٹم’ (DCAS) کے مطابق اس تنازع کے آغاز سے اب تک سینکڑوں امریکی فوجی اہلکار زخمی یا ہلاک ہو چکے ہیں۔