ایران نے شمالی عراق کے کرد علاقے سے ملحق دو سرحدی گزر گاہیں بند کر دیں

ایرانی حکام نے سیکورٹی اقدامات کے تحت شمالی عراق کے نیم خود مختار کرد علاقے سے ملحق دو اہم سرحدی گزر گاہوں کو آمد و رفت کے لیے مکمل طور پر بند کر دیا ہے۔ کرد زبان کے سیٹلائٹ چینل ‘آرین ٹی وی’ کے مطابق، ایرانی سرحدی فورس نے مریوان اور ہاورامان کی سرحدی گزرگاہوں کو بند کیا ہے، جو ایران کے صوبہ کردستان کو عراق کے کردستان خطے سے ملاتی ہیں۔ اس فیصلے کے بعد ایرانی سرحدی حکام نے شہریوں کو سخت ہدایت جاری کی ہے کہ وہ سرحدی علاقوں سے دور رہیں اور وہاں جانے سے مکمل گریز کریں۔ حکام نے خاص طور پر دہرہ کی، دزلی اور دیگر قریبی سرحدی علاقوں کے عوام پر زور دیا ہے کہ وہ اگلی اطلاع تک ان مقامات کے پاس کسی بھی قسم کی سرگرمی یا نقل و حرکت سے دور رہیں۔