جنگ مخالف تنظیموں کے اتحاد کا اسرائیلی مظالم کے خلاف وسطی لندن میں احتجاج

برطانیہ کی مختلف جنگ مخالف تنظیموں کے اتحاد کے زیرِ اہتمام، غزہ پر اسرائیلی جارحیت اور معصوم فلسطینیوں پر جاری مظالم کے خلاف وسطی لندن میں ایک بہت بڑا احتجاجی مظاہرہ کیا گیا۔ بین الاقوامی خبر رساں ایجنسی کے مطابق، یہ احتجاجی مارچ لندن کے مشہور ‘رسل اسکوائر’ سے شروع ہوا اور مختلف شاہراہوں سے ہوتا ہوا برطانوی وزیراعظم کی سرکاری رہائش گاہ ‘ڈاؤننگ اسٹریٹ’ کے سامنے جا کر اختتام پذیر ہوا۔ اس مارچ میں انسانی حقوق کے کارکنوں اور جنگ مخالف شہریوں سمیت ہزاروں کی تعداد میں افراد نے شرکت کی اور اسرائیل کے خلاف شدید نعرے بازی کی۔

مظاہرے کے شرکا نے عالمی برادری اور برطانوی حکومت سے مطالبہ کیا کہ غزہ میں فلسطینیوں کا جاری قتلِ عام فوری طور پر بند کرایا جائے۔ مظاہرین کا کہنا تھا کہ وہ اس احتجاج کے ذریعے برطانیہ کے نئے وزیراعظم اینڈی برنہم کو یہ واضح پیغام دینا چاہتے ہیں کہ اسرائیل نے نہ صرف غزہ کو نشانہ بنایا ہوا ہے بلکہ اب ایران اور لبنان میں بھی جنگ چھیڑ کر پورے خطے کا امن تباہ کر دیا ہے۔ احتجاجی مظاہرین نے پرزور مطالبہ کیا کہ تل ابیب کو اس ہولناک جنگ سے فوری طور پر روکا جائے اور معصوم فلسطینیوں پر ڈھائے جانے والے جنگی مظالم کے سبب اسرائیل پر سخت معاشی و اقتصادی پابندیاں عائد کی جائیں۔