اسرائیل کا غزہ میں جنازے پر حملہ، کم از کم 14 فلسطینی شہید

غزہ کی پٹی کے مختلف علاقوں میں جاری اسرائیلی جارحیت کے نتیجے میں کم از کم 14 فلسطینی شہید ہو گئے ہیں، جن میں سے نصف سے زائد افراد ایک وحشیانہ ڈرون حملے کا نشانہ بنے۔ قطری نشریاتی ادارے کی رپورٹ کے مطابق، حماس کے ساتھ نام نہاد جنگ بندی کو نو ماہ گزرنے کے باوجود اسرائیل کی جانب سے روزانہ کی بنیاد پر اس معاہدے کی خلاف ورزی کی جا رہی ہے۔ تازہ ترین واقعے میں، وسطی غزہ کے نصیرات پناہ گزین کیمپ کی بلاطہ مارکیٹ میں احمد یٰسین مسجد کے باہر سوگواروں کے ایک اجتماع پر ڈرون سے حملہ کیا گیا، جو پہلے سے شہید ہونے والے ایک فلسطینی کے جنازے کے جلوس کا انتظار کر رہے تھے۔ غزہ کی سول ڈیفنس ایجنسی اور العودہ ہسپتال نے تصدیق کی ہے کہ اس دلخوز حملے میں 8 افراد موقع پر جاں بحق جبکہ کم از کم 20 افراد شدید زخمی ہوئے ہیں۔