بحرین میں فضائی حملے کا الرٹ جاری، سائرن فعال کر دیے گئے

ایران پر امریکی حملوں کے بعد تہران کی ممکنہ جوابی کارروائی کے پیشِ نظر بحرین میں ہائی الرٹ جاری کر دیا گیا ہے اور ملک بھر میں فضائی حملے کے سائرن فعال کر دیے گئے ہیں۔ بحرینی حکام نے بدلتی ہوئی سیکیورٹی صورتحال کے پیشِ نظر ہنگامی اقدامات شروع کرتے ہوئے شہریوں کو فوری طور پر محفوظ مقامات پر منتقل ہونے کی ہدایات جاری کی ہیں۔ اس سلسلے میں بحرین کی وزارتِ داخلہ نے ایک اہم بیان جاری کیا ہے جس میں شہریوں سے اپیل کی گئی ہے کہ وہ کسی بھی خوف و ہراس کا شکار ہوئے بغیر پرسکون رہیں اور احتیاطی تدابیر کے طور پر اپنے قریبی محفوظ مقامات یا پناہ گاہوں میں منتقل ہو جائیں۔