ایران اور عرب ممالک کے درمیان بات چیت کیلئے روس متحرک

روس کے وزیر خارجہ سرگئی لاوروف نے ایران اور عرب ممالک کے درمیان دیرینہ تنازعات کے حل اور خطے میں امن قائم کرنے کے لیے سفارتی کوششیں تیز کر دی ہیں۔ غیر ملکی خبر رساں ادارے کے مطابق، روسی وزیر خارجہ نے اپنے ایک حالیہ بیان میں کہا ہے کہ ماسکو انتظامیہ ایران اور عرب ممالک کو مذاکرات کی میز پر لانے کے لیے سنجیدگی سے کام کر رہی ہے۔ انہوں نے اس بات کا بھی انکشاف کیا کہ اس اہم سفارتی اور مشاورتی عمل میں پاکستان، چین اور مصر کا تعاون بھی شامل ہوگا تاکہ خطے کے بڑے ممالک کو ایک پلیٹ فارم پر اکٹھا کیا جا سکے۔ سرگئی لاوروف کے مطابق، ایران نے بھی عرب ممالک کے ساتھ مذاکرات کے اس عمل میں شامل ہونے کے لیے آمادگی ظاہر کر دی ہے۔