چین نے برطانیہ کے برٹش سٹیل کو نیشنلائز کرنے کے فیصلے کی مخالفت کردی

چین نے برطانوی حکومت کی جانب سے چینی کمپنی ‘جِینگ یے گروپ’ کی زیرِ ملکیت ‘برٹش سٹیل’ کو نیشنلائز کرنے کے اقدام پر شدید برہمی اور عدم اطمینان کا اظہار کیا ہے۔ چینی وزارتِ تجارت کے ترجمان کا کہنا ہے کہ جِینگ یے گروپ نے خسارے میں چلنے والی اس کمپنی میں بڑے پیمانے پر سرمایہ کاری کر کے نہ صرف اس کے آپریشنز کو بحال کیا بلکہ ہزاروں ملازمتوں کو بھی تحفظ فراہم کیا۔ ترجمان نے برطانیہ کے اس اقدام کو قومی سلامتی کے نام پر “زبردستی کا کنٹرول” قرار دیتے ہوئے کہا کہ اس سے چینی کمپنی کے جائز حقوق اور مفادات کو شدید نقصان پہنچا ہے اور برطانیہ میں چینی سرمایہ کاروں کا اعتماد متزلزل ہوا ہے۔ چین نے خبردار کیا ہے کہ وہ اس معاملے پر قریبی نظر رکھے ہوئے ہے اور چینی کمپنیوں کے مفادات کے تحفظ کے لیے ہر ممکن قانونی اور موثر اقدامات اٹھائے گا۔