ایران کیخلاف بحری ناکہ بندی: 3 روز میں 4 تجارتی جہازوں کا رخ موڑ دیا: سینٹ کام

امریکی فوج کی سینٹرل کمانڈ (سینٹ کام) نے دعویٰ کیا ہے کہ ایران کے خلاف تازہ بحری ناکہ بندی کے ابتدائی تین دنوں کے دوران امریکی بحریہ نے چار تجارتی جہازوں کا رخ موڑ دیا ہے۔ سینٹ کام کے مطابق، امریکی افواج نے منگل کی رات 8 بجے ایران کی بندرگاہوں سے آنے اور جانے والے بحری جہازوں کے خلاف بحری ناکہ بندی کا دوبارہ نفاذ کیا تھا، جس کے تحت کارروائی کرتے ہوئے ایک بحری جہاز کو ناکارہ بنایا گیا جبکہ ایک اور جہاز کا کنٹرول سنبھال لیا گیا۔ امریکی فوج کا کہنا ہے کہ یہ تمام کارروائیاں ناکہ بندی کے باقاعدہ نفاذ کے تحت کی گئی ہیں، تاہم سیکیورٹی وجوہات کی بنا پر متاثرہ تجارتی جہازوں کی شناخت یا واقعے کی مزید تفصیلات جاری نہیں کی گئیں۔