ناروے میں خوفناک آتشزدگی، 100 سے زائد گھر جل گئے

ناروے میں خوفناک آتشزدگی کے باعث 100 سے زائد گھر جل کر خاکستر ہو گئے ہیں۔ خبر ایجنسی کے مطابق یہ افسوسناک واقعہ دارالحکومت اوسلو سے تقریباً 50 کلو میٹر دور واقع شہر ڈرامن میں پیش آیا، جہاں آگ کے شدید شعلے رہائشی علاقوں سے ہوتے ہوئے قریبی جنگلات تک پھیل گئے۔ اب تک 60 سے زائد فائر فائٹرز آگ پر قابو پانے کے عمل میں مصروف ہیں۔ حکام کا کہنا ہے کہ خوش قسمتی سے اب تک کسی ہلاکت یا کسی شخص کے لاپتہ ہونے کی اطلاع نہیں ملی ہے، کیونکہ پولیس نے فوری کارروائی کرتے ہوئے سیکڑوں افراد کو متاثرہ علاقوں سے نکال کر محفوظ مقامات پر منتقل کر دیا ہے۔