یوکرین کا روس کے بریانسک ریجن پر راکٹ حملہ، 2 خواتین ہلاک

روس کے سرحدی علاقے بریانسک ریجن کے ضلع سوزیمکا پر یوکرینی افواج کی جانب سے گریڈ ملٹی پل راکٹ لانچر کے ذریعے کیے گئے حملے میں ایک ۱۵ سالہ لڑکی اور اس کی دادی ہلاک جبکہ ایک اور خاتون شدید زخمی ہو گئی ہیں۔ بریانسک ریجن کے قائم مقام گورنر ییگور کووالچک نے سماجی رابطے کی ویب سائٹ ٹیلی گرام پر حملے کی تصدیق کرتے ہوئے بتایا کہ یوکرینی راکٹ سوزیمکا گاؤں پر گرے، جس کے نتیجے میں ایک رہائشی مکان مکمل طور پر تباہ جبکہ چار دیگر مکانات، کئی ذیلی عمارتیں، ایک کار اور ایک ٹریکٹر شدید متاثر ہوئے ہیں۔ واقعے کے فوراً بعد زخمی خاتون کو ہسپتال منتقل کیا گیا جہاں انہیں طبی امداد فراہم کی جا رہی ہے۔ بریانسک کے پراسیکیوٹر ولادیمیر موسن نے مقامی حکام کو متاثرہ خاندانوں کی فوری امداد کو یقینی بنانے کی ہدایت جاری کر دی ہیں، جبکہ متاثرہ شہریوں کو قانونی معاونت پہنچانے کے لیے ایک خصوصی ہاٹ لائن بھی قائم کر دی گئی ہے۔