یو اے ای میں امریکی سفارتخانے نے سکیورٹی صورتحال کے باعث قونصلر اپائنٹمنٹس منسوخ کر دیں

خطے کی کشیدہ سیکیورٹی صورتحال کے پیشِ نظر متحدہ عرب امارات (یو اے ای) میں قائم امریکی سفارت خانے نے ہنگامی اقدامات اٹھاتے ہوئے تمام شیڈولڈ قونصلر اپائنٹمنٹس منسوخ کرنے کا باقابطہ اعلان کر دیا ہے۔ امریکی سفارتی حکام کے مطابق، موجودہ علاقائی سیکیورٹی کی سنگین صورتحال کے باعث دارالحکومت ابوظہبی میں 13 سے 15 جولائی تک کی تمام قونصلر اپائنٹمنٹس منسوخ رہے گی، جبکہ دبئی میں واقع امریکی قونصلیٹ میں بھی قونصلر سروسز شدید متاثر ہوں گی۔

امریکی سفارت خانے کی جانب سے جاری کردہ اعلامیے میں بتایا گیا ہے کہ سیکیورٹی خدشات کے باعث یو اے ای سے غیر ہنگامی نوعیت کے حامل امریکی سرکاری عملے کو بھی باہر منتقل کر دیا گیا ہے۔ مزید برآں، معمول کی تمام امریکی ویزا سروسز تاحکمِ ثانی معطل رہیں گی، تاہم پاسپورٹ اور دیگر انتہائی ہنگامی قونصلر خدمات کے حصول کے لیے شہریوں کو ای میل کے ذریعے رابطہ کرنا ہوگا، جہاں محدود پیمانے پر سروسز فراہم کی جائیں گی۔ سفارتی حکام نے سختی سے ہدایت کی ہے کہ جن افراد کی مذکورہ تاریخوں میں اپائنٹمنٹس طے تھیں وہ ہرگز سفارت خانے کا رخ نہ کریں؛ نئی تاریخوں اور اپائنٹمنٹس کی ری شیڈولنگ کے حوالے سے تمام درخواست گزاروں سے سفارت خانہ خود ای میل یا دیگر ذرائع سے رابطہ کرے گا۔