پنجاب اسمبلی کی تاریخ میں پہلی بار پارلیمانی جوڈیشل کمیٹی قائم
Web Desk
13 July 2026
پنجاب اسمبلی کی تاریخ میں پہلی بار ایک اعلیٰ اختیاراتی ‘پارلیمانی جوڈیشل کمیٹی’ تشکیل دے دی گئی ہے۔ یہ اہم اقدام پنجاب اسمبلی پریولیجز ایکٹ 1972 کے سیکشن 11 سی (11-C) کے تحت اٹھایا گیا ہے۔ اسپیکر پنجاب اسمبلی ملک محمد احمد خان کی خصوصی ہدایت پر قائم کی جانے والی اس نو تشکیل شدہ کمیٹی کے چیئرمین رکنِ اسمبلی سردار محمد اویس دریشک مقرر کیے گئے ہیں۔ کمیٹی کے دیگر ارکان میں سید علی حیدر گیلانی، شوکت راجہ، نورالامین وٹو، چودھری افتخار حسین چھچھر، امجد علی جاوید، ذوالفقار علی شاہ، راحیلہ خادم حسین اور احمر رشید بھٹی شامل ہیں، جبکہ اسپیکر کے مشیر اسامہ خاور گھمن کمیٹی کو کارروائی کے دوران قانونی و تکنیکی معاونت فراہم کریں گے۔
ذرائع کے مطابق، یہ جوڈیشل کمیٹی اسمبلی کے پارلیمانی استحقاق اور نظم و ضبط سے متعلق مقدمات کی سماعت، تحقیقات اور اسپیکر کی جانب سے بھجوائے گئے استحقاقی ریفرنسز پر کارروائی کرنے کی مجاز ہوگی۔ کمیٹی کو کسی بھی معاملے میں نوٹس جاری کرنے، شواہد و دستاویزات طلب کرنے، گواہوں کے بیانات ریکارڈ کرنے اور متعلقہ افراد کا مؤقف سننے کے وسیع اختیارات دیے گئے ہیں۔ تحقیقات مکمل ہونے پر کمیٹی اپنی حتمی رپورٹ اور سفارشات اسپیکر پنجاب اسمبلی کو پیش کرے گی، اور استحقاق کی خلاف ورزی ثابت ہونے کی صورت میں ملزمان کو سزا یا جرمانے کی سفارش کر سکے گی۔ واضح رہے کہ دیوانی اور فوجداری مقدمات اس کمیٹی کے دائرۂ اختیار میں شامل نہیں ہوں گے۔ اسمبلی ذرائع کا کہنا ہے کہ ڈی پی او قصور وہ پہلے سرکاری افسر ہوں گے جن کا کیس اس نو تشکیل شدہ پارلیمانی جوڈیشل کمیٹی کے سامنے پیش کیا جائے گا۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026
پنجاب دھی رانی پروگرام، ساہیوال میں 89 جوڑوں کی اجتماعی شادیوں کی تقریب
16 November 2026