پی پی ایس سی کی ایک نشست کیلئے 5 امیدوار بلانے کیخلاف درخواستوں پر فیصلہ جاری
Web Desk
13 July 2026
لاہور ہائیکورٹ نے پنجاب پبلک سروس کمیشن (پی پی ایس سی) کی جانب سے ایک نشست کے لیے پانچ امیدواروں کو انٹرویو کے لیے بلانے کی پالیسی کے خلاف دائر درخواستوں پر اپنا تحریری فیصلہ جاری کرتے ہوئے تمام درخواستیں مسترد کر دی ہیں۔ لاہور ہائیکورٹ کے جسٹس ملک محمد اویس خالد نے پی ایم ایس (PMS) منسٹریل کوٹہ کے امتحان کے اشتہار کے خلاف دائر 21 درخواستوں پر سماعت کے بعد یہ حکم نامہ جاری کیا۔ درخواست گزاروں کے وکلاء کا موقف تھا کہ پی پی ایس سی کا 19 دسمبر 2024 کو جاری کردہ اشتہار غیر قانونی اور آئینی حقوق کے منافی ہے، اور چونکہ اسے پنجاب گزٹ میں شائع نہیں کیا گیا، اس لیے عدالت اسے کالعدم قرار دے کر کمیشن کو انٹرویو اور نفسیاتی جانچ کا شیڈول جاری کرنے سے روکے۔
دوسری جانب پنجاب حکومت اور پی پی ایس سی کے وکلاء نے عدالت کو بتایا کہ تمام درخواست گزار اشتہار کی شرائط، نصاب اور کامیابی کے معیار سے مکمل واقف تھے اور انہوں نے کسی اعتراض کے بغیر امتحان میں حصہ لیا۔ اشتہار میں طے شدہ تناسب کے مطابق میرٹ پر پورا اترنے والے 106 امیدواروں کو انٹرویو کے لیے منتخب کیا گیا، اور محض امتحان پاس کر لینے سے کوئی امیدوار انٹرویو کا قانونی حقدار نہیں بن جاتا۔ لاہور ہائیکورٹ نے اپنے فیصلے میں قرار دیا کہ شارٹ لسٹنگ اور بھرتی کا طریقہ کار پی پی ایس سی کا دائرۂ اختیار ہے؛ عدالت صرف بدنیتی یا قانون کی واضح خلاف ورزی پر مداخلت کر سکتی ہے جو اس کیس میں ثابت نہیں ہوئی۔ عدالت نے واضح کیا کہ نتیجہ حق میں نہ آنے پر شرائط کو چیلنج کرنے کا کوئی جواز نہیں، لہٰذا درخواستیں میرٹ پر پورا نہ اترنے کے باعث خارج کی جاتی ہیں۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026
پنجاب دھی رانی پروگرام، ساہیوال میں 89 جوڑوں کی اجتماعی شادیوں کی تقریب
16 November 2026