امریکی صدر اور سعودی ولی عہد کا رابطہ، مشرق وسطیٰ کی صورتحال پر تبادلہ خیال

سعودی عرب کے ولی عہد اور وزیر اعظم شہزادہ محمد بن سلمان اور امریکی صدر ڈونلڈ ٹرمپ کے درمیان ایک اہم ٹیلیفونک رابطہ ہوا ہے، جس میں دونوں رہنماؤں نے دوطرفہ تعلقات سمیت مشرقِ وسطیٰ کی تازہ ترین صورتحال پر تفصیلی تبادلہ خیال کیا۔ گفتگو کے دوران بالخصوص امریکا اور ایران کے درمیان جاری مذاکرات اور خطے کے امن پر اس کے اثرات کے حوالے سے بات چیت کی گئی۔ دونوں رہنماؤں نے بین الاقوامی بحری گزرگاہوں، سمندری راستوں اور بحری آمدورفت کے تحفظ کی اہمیت پر شدید زور دیتے ہوئے اس بات پر اتفاق کیا کہ عالمی تجارتی و بحری راستوں کی سلامتی کو ہر صورت یقینی بنایا جانا چاہیے۔ مزید برآں، سعودی ولی عہد اور امریکی صدر نے مشرقِ وسطیٰ میں مستقل امن، سلامتی اور پائیدار استحکام کے فروغ کے لیے جاری تمام سفارتی کوششوں کی بھرپور حمایت کا اعادہ بھی کیا