ٹرمپ کا ایران سے مذاکرات جاری رکھنے کا اعلان، جنگ بندی ختم ہونے کا دعویٰ

امریکی صدر ڈونلڈ ٹرمپ نے دعویٰ کیا ہے کہ اسلامی جمہوریہ ایران نے امریکا سے مذاکرات کا سلسلہ جاری رکھنے کی درخواست کی ہے، جس پر واشنگٹن نے اپنی رضامندی ظاہر کر دی ہے۔ سماجی رابطے کی ویب سائٹ ‘ٹروتھ سوشل’ پر جاری اپنے ایک بیاں میں صدر ڈونلڈ ٹرمپ نے واضح کیا کہ مذاکرات کی ہامی بھرنے کے باوجود امریکا نے تہران پر اپنا موقف بالکل صاف کر دیا ہے کہ جنگ بندی اب ختم ہو چکی ہے۔ انہوں نے مزید کہا کہ امریکا ایران کے ساتھ بات چیت کا عمل تو آگے بڑھائے گا، تاہم جنگ بندی کے خاتمے کے حوالے سے امریکی موقف میں کوئی لچک نہیں ہے اور اس پر سختی سے قائم رہا جائے گا۔