سیو بلوچستان آل پارٹیز کانفرنس کا اعلامیہ جاری: جبری گمشدگیوں، سرحدی بندشوں اور وسائل پر قبضے کی شدید مذمت، طاقت کے بجائے سیاسی مذاکرات کا مطالبہ
Web Desk
8 July 2026
سیو بلوچستان آل پارٹیز کانفرنس نے صوبے کی موجودہ صورتحال پر گہری تشویش کا اظہار کرتے ہوئے ایک جامع اعلامیہ جاری کر دیا ہے، جس میں بلوچستان میں انسانی حقوق کی پامالیوں، بدامنی، اور جبری گمشدگیوں پر شدید تحفظات کا اظہار کیا گیا ہے۔ کانفرنس نے واضح کیا ہے کہ بلوچستان کے وسائل پر پہلا اور بنیادی حق صرف وہاں کے عوام کا ہے۔
اعلامیے کے مطابق، سیاسی جماعتوں اور ان کے کارکنوں کے خلاف دائر مقدمات، گرفتاریوں اور انتقامی کارروائیوں کی سخت الفاظ میں مذمت کی گئی ہے۔ کانفرنس نے حکومت سے مطالبہ کیا ہے کہ تمام سیاسی قیدیوں اور لاپتا افراد کو فوری طور پر بازیاب کیا جائے اور صوبے میں اظہارِ رائے اور صحافت کی آزادی کو یقینی بنایا جائے۔
آل پارٹیز کانفرنس نے مائنز اینڈ منرلز ایکٹ اور صوبے میں ہونے والی غیر قانونی الاٹمنٹس کو یکسر مسترد کرتے ہوئے، قدرتی وسائل پر قبضے اور غیر شفاف حکومتی پالیسیوں کی شدید مخالفت کی ہے۔ اعلامیے میں کہا گیا ہے کہ سرحدی بندشوں کے باعث بلوچستان کی معیشت اور مقامی روزگار تباہ ہو چکا ہے۔ کانفرنس نے مطالبہ کیا کہ بارڈر تجارت سے وابستہ افراد اور ٹرانسپورٹرز کے مسائل فوری طور پر حل کیے جائیں اور صوبے سے غربت، بے روزگاری اور معاشی بدحالی کے خاتمے کے لیے عملی اقدامات اٹھائے جائیں۔
اعلامیے میں اس بات پر زور دیا گیا ہے کہ بلوچستان کے تمام مسائل کا حل طاقت کے استعمال میں نہیں بلکہ صرف اور صرف آئینی، سیاسی عمل اور مذاکرات میں پنہاں ہے۔ صوبے میں پائیدار امن کے لیے فوری طور پر مفاہمت، سچائی اور اعتماد سازی کا عمل شروع کیا جانا چاہیے۔
کانفرنس نے خبردار کیا کہ پشتون اور بلوچ عوام کو ایک دوسرے کے خلاف لڑانے کی سازشیں فوری طور پر بند کی جائیں۔ اس کے علاوہ، بلوچستان میں بے گناہ شہریوں کے قتل کی تحقیقات کے لیے ایک اعلیٰ سطح کے “قومی کمیشن” کی تشکیل کا مطالبہ بھی کیا گیا ہے۔
سیاسی قائدین نے وفاق پر زور دیا ہے کہ وہ بلوچستان کے ساتھ کیے گئے تمام وعدے پورے کرے اور ڈی آر اے (DRA) لا فورس اور نیکٹا آرڈیننس کا فوری خاتمہ کیا جائے۔ اعلامیے کے آخر میں مطالبہ کیا گیا کہ بلوچستان کے مسائل کے مستقل حل کے لیے تمام مقامی اور قومی سیاسی قوتوں کو فوری طور پر اعتماد میں لیا جائے
متعلقہ عنوانات
اسرائیل کا غزہ میں بڑا فوجی آپریشن، ٹینکوں کی پیش قدمی، ہزاروں فلسطینیوں کی نقل مکانی
19 November 2026
سربراہ امریکی سینٹرل کمانڈ کا اسرائیل کا دورہ، آرمی چیف سمیت اعلیٰ حکام سے ملاقاتیں
19 November 2026
ایرانی نیٹ ورکس کیخلاف کریک ڈاؤن: امریکا کی لبنان میں مقیم 3 افراد اور اداروں پر پابندیاں عائد
19 November 2026
سعودیہ نے حوثی باغیوں کے داغے گئے 2 میزائل اور 2 ڈرونز تباہ کر دیئے
19 November 2026
یمنی افواج کی حوثی ملیشیا کے ٹھکانوں پر شدید فضائی، زمینی کارروائیاں، 142 جنگجو ہلاک
19 November 2026
امارات میں ایکو واک 2026ء کا انعقاد، 500 سے زائد افراد نے ماحولیاتی تحفظ کا پیغام دیا
19 November 2026
سعودیہ کی حوثی باغیوں کیخلاف مہم آئندہ سال تک طویل کرنے کی تیاری
19 November 2026
بلغاریہ میں پانچ سال تک بڑے سائبر حملوں، ہیکنگ آپریشن کا انکشاف
19 November 2026