ڈونلڈ ٹرمپ نے بندر عباس پر حملوں کی ویڈیو جاری کر دی

امریکی صدر ڈونلڈ ٹرمپ نے سوشل میڈیا پلیٹ فارم ‘ٹروتھ سوشل’ پر جنوبی ایران کے ساحلی شہر بندر عباس میں ہونے والے امریکی فضائی حملوں اور دھماکوں کی ویڈیو فوٹیج شیئر کر دی ہے۔ اس ویڈیو میں بندر عباس کے مختلف مقامات پر ہونے والے دھماکوں اور شدید فضائی حملوں کے مناظر دیکھے جا سکتے ہیں۔ واضح رہے کہ امریکہ نے یہ تازہ ترین حملے ایک ایسے نازک وقت پر کیے ہیں جب لاکھوں ایرانی شہری سابق سپریم لیڈر آیت اللہ علی خامنہ ای کی نمازِ جنازہ اور آخری رسومات میں شرکت کے لیے سڑکوں پر موجود ہیں۔ ایرانی میڈیا کے مطابق، امریکہ کی اس حالیہ عسکری کارروائی کے دوران بندر عباس، سیریک اور جزیرہ قشم میں یکے بعد دیگرے متعدد خوفناک دھماکوں کی آوازیں سنی گئی ہیں، جس سے خطے میں کشیدگی انتہائی سنگین صورتحال اختیار کر گئی ہے۔