پی ایچ سی کا اتائیوں کیخلاف کریک ڈاؤن، ایک ماہ میں مزید 646 غیر قانونی مراکز سیل

پنجاب ہیلتھ کیئر کمیشن (PHC) نے اتائیت کے خلاف اپنی کارروائیاں مزید تیز کرتے ہوئے ماہِ جون کے دوران صوبے بھر میں 2,837 چھاپے مارے، جن کے نتیجے میں مزید 646 غیر قانونی علاج گاہوں اور مراکز کو سیل کر دیا گیا ہے۔ ترجمان پنجاب ہیلتھ کیئر کمیشن کے مطابق، صوبائی دارالحکومت لاہور میں سب سے زیادہ 457 چھاپے مارے گئے، جہاں 142 اتائیوں کے کاروبار سربمہر کیے گئے۔ دوسری جانب، فیصل آباد میں انسدادِ اتائیت ٹیموں نے 123 چھاپے مار کر 32 غیر قانونی مراکز بند کیے جبکہ سرگودھا میں 17، راجن پور میں 27، قصور میں 43، اور گوجرانوالہ و سیالکوٹ میں 23، 23 اتائی مراکز کو سیل کر کے عطائیوں کے خلاف شکنجہ مزید کس دیا گیا ہے۔