وائٹ ہاؤس کے ترجمان نے تصدیق کی ہے کہ امریکی صدر ڈونلڈ ٹرمپ ترکیہ کے دارالحکومت انقرہ میں ہونے والے نیٹو ممالک کے سربراہی اجلاس میں شرکت کریں گے۔

وائٹ ہاؤس کی جانب سے جاری کردہ بیان کے مطابق، صدر ٹرمپ اس دورے کے دوران نیٹو اجلاس کی سائیڈ لائنز پر یوکرینی صدر وولودیمیر زیلنسکی سے خصوصی ملاقات کریں گے۔ اس کے علاوہ، انقرہ میں صدر ڈونلڈ ٹرمپ کی شام کے صدر احمد الشرع سے بھی ایک اہم ملاقات طے پائی ہے۔

واضح رہے کہ نیٹو ممالک کا یہ اہم اجلاس 7 سے 8 جولائی کو ترکیہ کے شہر انقرہ میں منعقد ہو رہا ہے، جس میں عالمی اور علاقائی سیکیورٹی کے امور پر تبادلہ خیال کیا جائے گا۔