سرکاری ملازم کی ترقی سے متعلق سپریم کورٹ کا اہم فیصلہ جاری
Web Desk
3 July 2026
سپریم کورٹ آف پاکستان نے سرکاری ملازمین کی ترقی (Promotion) اور سنیارٹی کے حوالے سے ایک انتہائی اہم فیصلہ جاری کرتے ہوئے واضح کیا ہے کہ کسی بھی سرکاری ملازم کی ترقی کے لیے درکار مقررہ مدتِ ملازمت میں اس کی کنٹریکٹ سروس کو ریگولر سروس کے ساتھ شامل نہیں کیا جا سکتا۔
عدالتِ عظمیٰ کے معزز جج جسٹس محمد علی مظہر کی جانب سے تحریر کردہ 16 صفحات پر مشتمل اس تفصیلی فیصلے میں کہا گیا ہے کہ کنٹریکٹ سروس کو سرکاری ملازم (سول سرونٹ) کی بنیادی تعریف میں شامل نہیں کیا جا سکتا۔ ترقی کے مقاصد کے لیے کنٹریکٹ پیریڈ کو ریگولر ملازمت میں ضم کرنا قانون کی غلط تشریح اور مروجہ قوانین کے برعکس ہے۔
فیصلے میں مزید تشریح کی گئی ہے کہ اگر ترقی کے لیے کنٹریکٹ سروس کو بھی ریگولر سروس مانا جانے لگا، تو یہ کنٹریکٹ ملازمین کو ملازمت کے آغاز ہی سے مستقل سول سرونٹ کا درجہ دینے کے مترادف ہوگا، جس سے وفاقی اور صوبائی دونوں سول سرونٹس ایکٹس کی وہ شقیں بالکل بے اثر ہو جائیں گی جو کنٹریکٹ ملازمین کو مستقل ملازم کی تعریف سے خارج کرتی ہیں۔ عدالت نے ریمارکس دیے کہ اصطلاح “سرکاری ملازمت” کے حقیقی معنی یا مفہوم کو سول سرونٹس ایکٹس کے دائرہ کار سے باہر جا کر تبدیل نہیں کیا جا سکتا۔
سپریم کورٹ نے سندھ سول سرونٹس رولز 1975 کے رول 10 کا حوالہ دیتے ہوئے واضح کیا کہ کسی بھی سرکاری ملازم کی سنیارٹی کا شمار صرف اور صرف اس کے مستقل (ریگولر) تقرر کی تاریخ سے ہی شروع ہوتا ہے، اور ان رولز کے تحت کسی بھی عارضی یا کنٹریکٹ تقرری کو ماضی بعید (Backdate) سے ریگولرائز نہیں کیا جا سکتا۔
یہ فیصلہ واپڈا کے ایک ملازم محمد سلیم شیخ کی اپیل پر سامنے آیا، جنہوں نے سروس ٹربیونل کی جانب سے اپنی کنٹریکٹ سروس کو ترقی کی مدت میں شمار نہ کرنے کے فیصلے کے خلاف سپریم کورٹ سے رجوع کیا تھا۔ سپریم کورٹ نے سروس ٹربیونل کے فیصلے کو درست اور قانون کے مطابق قرار دیتے ہوئے درخواست گزار کی اپیل کو مکمل طور پر خارج کر دیا۔
متعلقہ عنوانات
ٹرمپ نے ایران جنگ ختم کروانے کیلئے چین اور روس سے مدد لینے کا امکان مسترد کر دیا
19 November 2026
بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل
19 November 2026
عالمی امن کیلئے باہمی تعاون پر مبنی سلامتی پالیسی ناگزیر ہے، وزیر دفاع
19 November 2026
مشرق وسطیٰ میں کشیدگی کے باوجود خلیجی ممالک محفوظ ترین ممالک میں سرفہرست
19 November 2026
اسرائیل کا غزہ میں بڑا فوجی آپریشن، ٹینکوں کی پیش قدمی، ہزاروں فلسطینیوں کی نقل مکانی
19 November 2026
سربراہ امریکی سینٹرل کمانڈ کا اسرائیل کا دورہ، آرمی چیف سمیت اعلیٰ حکام سے ملاقاتیں
19 November 2026
ایرانی نیٹ ورکس کیخلاف کریک ڈاؤن: امریکا کی لبنان میں مقیم 3 افراد اور اداروں پر پابندیاں عائد
19 November 2026
سعودیہ نے حوثی باغیوں کے داغے گئے 2 میزائل اور 2 ڈرونز تباہ کر دیئے
19 November 2026