ٹرمپ انتظامیہ کو خدشہ تھا اسرائیل ایرانی مذاکرات کاروں کو قتل کر سکتا ہے: امریکی میڈیا

امریکی اخبار ‘نیویارک ٹائمز’ نے ایک سنسنی خیز دعویٰ کیا ہے کہ امریکی حکام کو شدید خدشہ تھا کہ اسرائیل امریکا اور ایران کے درمیان جاری مذاکرات کو سبوتاژ کرنے کے لیے ایرانی مذاکرات کاروں کو قتل کر سکتا ہے۔

اخبار کی رپورٹ کے مطابق، اسرائیل امریکا اور ایران کے درمیان عبوری امن معاہدے کے لیے ہونے والی پیش رفت اور ممکنہ ڈیل سے بالکل خوش نہیں تھا اور وہ ان مذاکرات کو ناکام بنانے کے لیے کسی بھی حد تک جا سکتا تھا۔

رپورٹ میں مزید بتایا گیا ہے کہ امریکی حکام اس ممکنہ خطرے سے باخبر تھے، تاہم امریکا نے اسرائیل کی اس ممکنہ سازش کو کس طرح ناکام بنایا اور مذاکرات کاروں کو کیسے محفوظ رکھا، اس حوالے سے مزید تفصیلات سامنے آنا ابھی باقی ہیں۔