پاکستان تحریک انصاف کا آزاد کشمیر کے انتخابات کے بائیکاٹ کا اعلان
Web Desk
2 July 2026
پی ٹی آئی کی کور کمیٹی کے اہم اجلاس کے بعد جاری ہونے والے اعلامیے کے مطابق، پارٹی نے آزاد جموں و کشمیر کے عوام کے ساتھ اظہارِ یک جہتی کے لیے انتخابات میں حصہ نہ لینے کا اصولی فیصلہ کیا ہے۔ اعلامیے میں واضح کیا گیا کہ موجودہ حالات میں انتخابات سے دور رہنے کا فیصلہ کوئی عام سیاسی حکمت عملی نہیں بلکہ کشمیری عوام کے ساتھ اصولی یک جہتی کا مظہر ہے، کیونکہ اس وقت آزاد کشمیر شدید سیاسی اور انسانی بحران سے گزر رہا ہے۔
پی ٹی آئی کا کہنا ہے کہ راولاکوٹ سمیت مختلف علاقوں میں عوام اپنے جائز مطالبات کے لیے دھرنا دیے بیٹھے ہیں، جبکہ طاقت کے وحشیانہ استعمال سے قیمتی جانیں بھی ضائع ہوچکی ہیں۔ اس کے علاوہ آزاد کشمیر کو اشیائے خورونوش کی ترسیل بند ہونے سے عوام شدید مشکلات کا شکار ہیں۔ کور کمیٹی نے مطالبہ کیا ہے کہ کشمیری عوام کے ان مسائل کا فوری اور منصفانہ حل نکالا جائے۔
اعلامیے میں مزید کہا گیا کہ آزاد کشمیر کی آئینی، جمہوری اور سیاسی شناخت کو مجروح کرتے ہوئے کشمیری عوام کی نمائندہ آوازوں کو دبایا جا رہا ہے، جبکہ سیاسی کارکنوں کے خلاف بلاجواز کارروائیاں اور گرفتاریاں کی جا رہی ہیں۔ اظہارِ رائے کی آزادی محدود ہے اور میڈیا پر قدغنیں عائد ہیں، ایسے دم گھٹتے ماحول میں انتخابی عمل اپنی ساکھ اور معنویت کھو دیتا ہے، لہٰذا پی ٹی آئی انتخابات کے بجائے کشمیری عوام کے ساتھ کھڑی ہوگی۔
پی ٹی آئی نے مؤقف اختیار کیا ہے کہ حالات معمول پر آنے تک وہ انتخابات میں حصہ نہیں لیں گے۔ جوائنٹ عوامی ایکشن کمیٹی کے معاملات افہام و تفہیم سے حل کیے جائیں، انتخابی شیڈول پر نظرثانی کی جائے اور تمام سیاسی جماعتوں کو مساوی اور آزادانہ انتخابی ماحول فراہم کیا جائے۔ اس فیصلے کے تحت پارٹی نے اپنے پارلیمانی بورڈ کی ٹکٹوں سے متعلق تمام سفارشات فوری طور پر معطل کر دی ہیں اور ٹکٹوں کے اجرا سے متعلق تمام امور آئندہ فیصلے تک مؤخر رہیں گے۔ پارٹی کا کہنا ہے کہ وہ آزاد، منصفانہ اور پرامن سیاسی ماحول کے بغیر انتخابی عمل کا حصہ نہیں بنیں گے۔
متعلقہ عنوانات
ٹرمپ نے ایران جنگ ختم کروانے کیلئے چین اور روس سے مدد لینے کا امکان مسترد کر دیا
19 November 2026
بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل
19 November 2026
عالمی امن کیلئے باہمی تعاون پر مبنی سلامتی پالیسی ناگزیر ہے، وزیر دفاع
19 November 2026
مشرق وسطیٰ میں کشیدگی کے باوجود خلیجی ممالک محفوظ ترین ممالک میں سرفہرست
19 November 2026
اسرائیل کا غزہ میں بڑا فوجی آپریشن، ٹینکوں کی پیش قدمی، ہزاروں فلسطینیوں کی نقل مکانی
19 November 2026
سربراہ امریکی سینٹرل کمانڈ کا اسرائیل کا دورہ، آرمی چیف سمیت اعلیٰ حکام سے ملاقاتیں
19 November 2026
ایرانی نیٹ ورکس کیخلاف کریک ڈاؤن: امریکا کی لبنان میں مقیم 3 افراد اور اداروں پر پابندیاں عائد
19 November 2026
سعودیہ نے حوثی باغیوں کے داغے گئے 2 میزائل اور 2 ڈرونز تباہ کر دیئے
19 November 2026