بلوچستان کی سرحر پر افغان طالبان رجیم کے4 ڈرونز کو سیکیورٹی فورسز نے مار گرایا

پاک فوج نے بلوچستان سرحد پر افغان طالبان کی جانب سے بھیجے گئے چار ڈرونز کو کامیابی سے تباہ کر دیا ہے۔ پاک فوج کے شعبۂ تعلقاتِ عامہ (آئی ایس پی آر) نے سخت وارننگ جاری کرتے ہوئے خبردار کیا ہے کہ پاکستان کے خلاف کسی بھی قسم کی اشتعال انگیزی کا فوری، فیصلہ کن اور بھرپور جواب دیا جائے گا۔

آئی ایس پی آر کے مطابق، 30 جون کو افغان طالبان کی جانب سے بلوچستان کی سرحدی سمت چار ابتدائی نوعیت کے ڈرون بھیجے گئے، جنہیں پاکستان کے مضبوط اور چوکس فضائی دفاعی نظام (Air Defense System) نے بروقت شناخت کر لیا۔ سیکیورٹی فورسز نے اپنی جدید دفاعی صلاحیتوں کا مؤثر استعمال کرتے ہوئے چاروں ڈرونز کو فضا ہی میں مار گرایا، جس کے باعث دشمن کا مذموم منصوبہ مکمل طور پر ناکام ہو گیا۔

ترجمان پاک فوج کا کہنا ہے کہ یہ بزدلانہ کارروائی دراصل دہشت گرد تنظیموں کی سرپرستی کے تسلسل کا حصہ تھی، تاہم پاکستان کی اعلیٰ دفاعی تیاری اور بروقت ردعمل نے سرحد پار سے ہونے والے کسی بھی ممکنہ نقصان کو روک دیا۔

آئی ایس پی آر نے اپنے بیان میں مزید کہا کہ افغان طالبان کی یہ اشتعال انگیز کارروائیاں اپنی عوام کو اصل حقائق سے گمراہ کرنے کی ایک ناکام کوشش ہیں، جبکہ افغان عوام پہلے ہی موجودہ طالبان حکومت کی ناقص پالیسیوں کے باعث شدید معاشی اور سماجی مشکلات کا شکار ہیں۔

English Slug: