نیویارک,یومِ عاشور کی مجلسِ عزا:ظہران ممدانی کی شرکت,امام حسینؓ کو خراجِ عقیدت

نیویارک: امریکی شہر نیویارک کے علاقے کوئنز میں واقع معروف اسلامی مرکز ‘الخوئی سینٹر’ میں یومِ عاشور کی مناسبت سے مجلسِ عزا کا عقیدت و احترام کے ساتھ انعقاد کیا گیا، جس میں نیویارک سٹی کی ممتاز سیاسی و عوامی شخصیت ظہران ممدانی نے خصوصی شرکت کی۔ ظہران ممدانی آدھے گھنٹے سے زائد وقت تک مجلس میں موجود رہے، عزاداروں کے ساتھ یکجہتی کا اظہار کیا اور شہدائے کربلا کو خراجِ عقیدت پیش کیا۔

اس موقع پر اپنے خیالات کا اظہار کرتے ہوئے انہوں نے کہا کہ 10 محرم الحرام کا دن ہمیں حضرت امام حسین علیہ السلام کے لازوال عزم اور اصولوں کی یاد دلاتا ہے؛ انہوں نے اس بات پر زور دیا کہ انصاف ایک ایسی بنیادی قدر ہے جس کے حصول اور تحفظ کے لیے ہمیشہ ڈٹ کر لڑنا چاہیے۔ ظہران ممدانی نے سوشل میڈیا پر عاشورہ کی مجلس میں اپنی شرکت کی تصویر شیئر کرتے ہوئے پیغامِ حسینیؑ کو بھی اجاگر کیا۔