ایران مذاکرات میں غیر معمولی رعایتیں دینے پر مجبور ہوگیا ہے، ٹرمپ کا دعویٰ

امریکی صدر ڈونلڈ ٹرمپ نے دعویٰ کیا ہے کہ ایران کے ساتھ جاری مذاکرات میں تہران غیر معمولی رعایتیں دینے پر مجبور ہو گیا ہے اور معاملات انتہائی بہتر انداز میں آگے بڑھ رہے ہیں۔ امریکی سینیٹ کے دورے سے قبل صحافیوں سے مختصر گفتگو کرتے ہوئے صدر ٹرمپ کا کہنا تھا کہ ہم اس وقت واضح برتری کے ساتھ جیت رہے ہیں۔ اس موقع پر انہوں نے ملکی اپوزیشن کو بھی سخت تنقید کا نشانہ بنایا۔ امریکی صدر نے الزام عائد کیا کہ اپوزیشن ملک میں بڑی تعداد میں کمیونسٹوں کو لانا چاہتی ہے اور جن لوگوں کو آگے بڑھایا جا رہا ہے وہ دراصل کمیونسٹ ہیں۔ انہوں نے واضح الفاظ میں عزم ظاہر کیا کہ امریکا میں کمیونزم کو کسی صورت جگہ نہیں دی جائے گی۔