فیفا ورلڈ کپ کے ابتدائی دو راؤنڈز میں 5 ٹیمیں ٹورنامنٹ سے باہر

فیفا فٹبال ورلڈ کپ 2026 کے گروپ مرحلے کے ابتدائی دو راؤنڈز مکمل ہونے کے بعد پانچ ممالک کی ٹورنامنٹ سے رخصتی یقینی ہو گئی ہے۔ تاریخ میں پہلی بار 48 ٹیموں پر مشتمل اس سب سے بڑے عالمی مقابلے کے نئے فارمیٹ کے تحت، گروپ مرحلے کے اختتام پر مجموعی طور پر 16 ٹیمیں ایونٹ سے باہر ہو جائیں گی جبکہ باقی 32 ٹیمیں اگلے ناک آؤٹ مرحلے (راؤنڈ آف 32) میں جگہ بنائیں گی۔ وہ پانچ بدقسمت ٹیمیں جو اپنے ابتدائی دونوں میچ ہار چکی ہیں، اب ریاضیاتی طور پر بھی اگلے مرحلے میں رسائی حاصل نہیں کر سکتیں اور ان کا سفر تمام ہو چکا ہے۔

1974کے بعد پہلی بار ورلڈ کپ کے لیے کوالیفائی کرنے والی ہیٹی کی ٹیم کو اسکاٹ لینڈ اور برازیل کے خلاف مسلسل شکستوں کا سامنا کرنا پڑا۔یورپی براعظم سے باہر ہونے والی یہ پہلی ٹیم بن گئی ہے، جسے آسٹریلیا اور پیراگوئے کے ہاتھوں اپنے ابتدائی دونوں میچوں میں ناکامی کا منہ دیکھنا پڑا۔ افریقی براعظم سے اب تک باہر ہونے والی یہ واحد ٹیم ہے، جسے سویڈن اور جاپان کے خلاف 4-4 گول کے بڑے مارجن سے عبرتناک شکست ہوئی۔ ایشیا کی نمائندگی کرنے والی اردن کی ٹیم بھی ابتدائی مرحلے کی رکاوٹ عبور نہ کر سکی اور ٹورنامنٹ سے باہر ہونے والی پہلی ایشیائی ٹیم بن گئی۔پاناما کی امیدیں بھی دم توڑ گئیں، جہاں اسے گھانا اور کروشیا کے خلاف 1-0 کے یکساں مارجن سے شکستوں کا سامنا کرنا پڑا۔

واضح رہے کہ اس ورلڈ کپ کے قوانین میں ایک اہم تبدیلی کی گئی ہے، جس کے تحت دو ٹیموں کے برابر پوائنٹس ہونے کی صورت میں روایتی ‘گول ڈفرنس’ (گول فرق) کے بجائے دونوں ٹیموں کے مابین ہونے والے ‘باہمی مقابلے کا ریکارڈ’ (Head-to-Head) فیصلہ کن حیثیت رکھتا ہے۔ اس قانون نے گروپ مرحلے کی دوڑ کو مزید سنسنی خیز بنا دیا ہے۔ گروپ مرحلے کے آخری میچوں کے بعد مزید 11 ٹیموں کی قسمت کا فیصلہ ہوگا، جس کے بعد اگلے مرحلے میں پہنچنے والی تمام ٹیموں کی تصویر مکمل طور پر واضح ہو جائے گی۔