لبنان اور اسرائیل میں کشیدگی کم کرنے کے لیے سفارتی کوششیں تیز، واشنگٹن میں مذاکرات کا پانچواں دور شروع

واشنگٹن میں لبنان اور اسرائیل کے درمیان کشیدگی کو کم کرنے اور سرحدی تنازعات کے حل کے لیے سفارتی کوششیں تیز ہو گئی ہیں، جس کے تحت دونوں ممالک کے وفود کے درمیان مذاکرات کا پانچواں دور امریکی محکمہ خارجہ میں شروع ہو گیا ہے۔ عرب میڈیا کی رپورٹ کے مطابق، یہ اہم مذاکرات امریکا کی ثالثی میں ہو رہے ہیں جس کا مقصد خطے میں پائیدار امن کا قیام ہے۔ اس موقع پر لبنانی صدر جوزف عون نے امید ظاہر کی ہے کہ مذاکرات کا یہ نیا دور دونوں ممالک کے درمیان طویل عرصے سے جاری کشیدگی میں کمی لانے کے حوالے سے فیصلہ کن ثابت ہو سکتا ہے، اور اس سے خطے میں استحکام کی نئی راہ ہموار ہو گی