LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
الاسکا میں ڈیموکریٹس نے سینیٹ کی ایک اور نشست چھین لی، میری پیلٹولا کامیاب پاکستان اور چین کا قانون نافذ کرنے والے اداروں میں معاونت بڑھانے پر اتفاق بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار ایرانی فوج کی کویت میں امریکی پیٹریاٹ دفاعی نظام پر ڈرون حملوں کی تصدیق امریکی وزیر خارجہ نے ایران کے ڈرٹی بم حملے کی اطلاعات مسترد کر دیں اے سی سی ایشیا کپ رائزنگ سٹارز ٹرافی کی رونمائی کر دی گئی بچوں کے استحصال میں ملوث افراد کیلئے نیا ایکٹ لائیں گے: مریم نواز سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا

سی سی ڈی اہلکار کی فائرنگ سے جاں بحق بچی کی پوسٹ مارٹم رپورٹ آگئی

Web Desk

17 June 2026

پنجاب کے ضلع چکوال میں 10 جون کو کاؤنٹر ٹیررازم ڈیپارٹمنٹ (CTD) کے اہلکار کی مبینہ فائرنگ کا نشانہ بننے والی 9 سالہ معصوم بچی ہانیہ عدیل کی تفصیلی پوسٹ مارٹم رپورٹ سامنے آ گئی ہے، جس میں فائرنگ کی ہولناکی اور بچی کو لگنے والے زخموں کی انتہائی دردناک تفصیلات سامنے آئی ہیں۔

پوسٹ مارٹم رپورٹ کے مطابق، معصوم ہانیہ عدیل کی موت جسم کے حساس حصوں پر متعدد گولیاں لگنے اور ان کے گہرے زخموں کے باعث ہونے والے شدید ترین خون کے بہاؤ (Hemorrhage) کی وجہ سے ہوئی۔ رپورٹ میں واضح کیا گیا ہے کہ شدید صدمے (Shock) اور بے تحاشا خون بہہ جانے کے باعث بچی کے دل اور پھیپھڑوں نے کام کرنا بند کر دیا تھا، جو موت کی فوری وجہ بنا۔

رپورٹ میں ہانیہ عدیل کے جسم پر لگنے والے زخموں اور گولیوں کی جو تفصیلات فراہم کی گئی ہیں

 معصوم بچی کے جسم پر گولیوں کے داخل اور خارج ہونے کے مجموعی طور پر 11 نشانات پائے گئے۔ پوسٹ مارٹم کے دوران بچی کے جسم سے گولی کا ایک دھاتی ٹکڑا برآمد کر کے باقاعدہ طور پر پولیس کے سپرد کر دیا گیا ہے۔ اندھا دھند فائرنگ کے نتیجے میں بچی کی دائیں ران کی ہڈی بری طرح ٹوٹ گئی، جبکہ گولی لگنے سے اس کا دایاں پھیپھڑا شدید متاثر ہوا اور چھاتی کے اندر بڑے پیمانے پر خون جمع ہو گیا۔ اس کے علاوہ گولیوں کی زد میں آنے سے بچی کا جگر، بڑی اور چھوٹی آنتیں بھی شدید طور پر زخمی ہوئیں۔ ہانیہ کی دائیں چھاتی، پیٹ، ران اور بائیں کہنی پر گولیوں کے داخل ہونے (Entry) اور خارج ہونے (Exit) کے گہرے اور مہلک زخم پائے گئے ہیں۔ رپورٹ کے مطابق یہ تمام زخم “اینٹی مارٹم” ہیں، یعنی یہ تمام گولیاں موت واقع ہونے سے پہلے ماری گئیں۔ زخم اس قدر شدید اور اعضاء کو تباہ کرنے والے تھے کہ عام حالات میں یہ فوری موت کا سبب بنتے ہیں؛ یہی وجہ ہے کہ گولی لگنے اور موت واقع ہونے کے درمیان معصوم بچی کو سنبھلنے کا بالکل وقت نہیں ملا اور اس کی روح فوراً پرواز کر گئی۔

میڈیکو لیگل رپورٹ کے مطابق، بچی کی موت واقع ہونے اور پوسٹ مارٹم کے عمل کے درمیان تقریباً 6 سے 8 گھنٹے کا وقت گزرا۔ ہسپتال انتظامیہ نے قانونی کارروائی اور تفتیش کو آگے بڑھانے کے لیے بچی کے خون آلود کپڑے، ایکس ریز اور دیگر تمام اہم ترین فرانزک شواہد کو مکمل طور پر سیل کر کے پولیس حکام کے حوالے کر دیا ہے۔ واضح رہے کہ 9 سالہ ہانیہ عدیل اور ان کے خاندان کو چکوال میں سی ٹی ڈی اہلکار نے فائرنگ کا نشانہ بنایا تھا، جس نے پورے ملک کو ہلا کر رکھ دیا ہے