یہ بجٹ کیا پاکستان کے عوام کے حق میں پیش کیا گیا ہے،علامہ راجہ ناصر عباس
Web Desk
15 June 2026
قائد حزب اختلاف علامہ راجہ ناصر عباس نے وفاقی بجٹ کو کڑی تنقید کا نشانہ بناتے ہوئے اسے ملکی معیشت اور عوام کے لیے تباہ کن قرار دے دیا ہے۔ سینیٹ کے اجلاس میں بجٹ پر گرما گرم بحث میں حصہ لیتے ہوئے انہوں نے حکومتی معاشی دستاویز کو یکسر مسترد کیا اور سوال اٹھایا کہ کیا یہ بجٹ واقعی پاکستان کے عوام کے حق میں پیش کیا گیا ہے؟ ان کا کہنا تھا کہ یہ مسلسل پانچواں بجٹ ہے جس کے بعد صرف ملکی قرضوں میں ہی بے پناہ اضافہ دیکھا گیا ہے۔ انہوں نے ایک عام فہم مثال دیتے ہوئے واضح کیا کہ اگر کسی گھر کا قرضہ بڑھتا جائے تو اس کی آمدنی میں اضافے کا سوچا جاتا ہے، لیکن یہاں الٹی گنگا بہہ رہی ہے اور ملک میں قرض کا بوجھ اس حد تک بڑھتا جا رہا ہے کہ اب ہم تیزی سے ڈیفالٹ کی طرف جا رہے ہیں۔
اپوزیشن لیڈر نے ملکی معاشی صورتحال اور مہنگائی پر گہری تشویش کا اظہار کرتے ہوئے کہا کہ یہ بجٹ ہمیں مہنگائی کی دلدل سے نکالنے کے بجائے اس میں مزید دھکیل رہا ہے۔ انہوں نے سخت ترین الفاظ میں کہا کہ یہ بجٹ کسی بھی طور پر عوام دوست نہیں بلکہ “غریب دوست کم اور غریب مکاؤ بجٹ زیادہ ہے” اور اس وقت یہ پچیس چھبیس کروڑ عوام کے لیے صرف اور صرف ایک خوف کی علامت بن چکا ہے۔ علامہ راجہ ناصر عباس نے معاشی بدحالی کے خوفناک اعداد و شمار سامنے لاتے ہوئے انکشاف کیا کہ صرف اس ایک سال کے دوران دو کروڑ سے زائد برباد حال عوام غربت کی لکیر سے نیچے چلی گئی ہے۔ انہوں نے حکمرانوں سے تلخ سوال کیا کہ ان پے در پے ٹیکسوں اور معاشی بدانتظامی کے بعد اب اس ملک کے غریب عوام اپنے گھروں کا چولہا کیسے جلائیں گے اور ان کا گزر بسر کیسے ممکن ہوگا؟
متعلقہ عنوانات
پاکستان اور چین کا قانون نافذ کرنے والے اداروں میں معاونت بڑھانے پر اتفاق
18 November 2026
بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار
18 November 2026
بچوں کے استحصال میں ملوث افراد کیلئے نیا ایکٹ لائیں گے: مریم نواز
18 November 2026
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026