گڈانی کے ساحل پر فٹبال ورلڈ کپ کے رنگ، نوجوانوں نے ریت پر شاہکار تخلیق کر دیا
Web Desk
14 June 2026
فٹبال ورلڈ کپ 2026 کا جوش بلوچستان تک پہنچ گیا، جہاں گڈانی کے ساحل پر نوجوان فنکاروں نے ریت پر فیفا ورلڈ کپ ٹرافی اور سرکاری نشان کی دلکش تصاویر بنا کر سب کی توجہ حاصل کر لی۔
فنکار سمیر شوکت اور ان کی ٹیم نے اپنی تخلیقی صلاحیتوں کا مظاہرہ کرتے ہوئے ساحل کی ریت پر شاندار فن پارے تخلیق کیے، جنہیں سوشل میڈیا پر بھی بھرپور پذیرائی مل رہی ہے۔
ریت پر بنائی گئی تصاویر فٹبال سے محبت اور کھیل کے فروغ کے جذبے کی عکاسی کرتی ہیں۔ سوشل میڈیا صارفین نے اس منفرد فن کو سراہتے ہوئے نوجوانوں کی صلاحیتوں کو خراجِ تحسین پیش کیا۔
سمیر شوکت کا کہنا ہے کہ اس فن پارے کے ذریعے انہوں نے نہ صرف اپنی بلکہ بلوچستان کے عوام کی فٹبال سے وابستگی کو دنیا کے سامنے اجاگر کیا ہے۔ انہوں نے مطالبہ کیا کہ صوبے میں فٹبال کے بڑھتے ہوئے رجحان کو مدنظر رکھتے ہوئے نوجوان کھلاڑیوں کو بہتر سہولیات اور حکومتی سرپرستی فراہم کی جائے۔
کوئٹہ سے مکران تک نوجوان فٹبال کے میدان میں ملک کا نام روشن کرنے کے عزم کے ساتھ آگے بڑھ رہے ہیں، جبکہ گڈانی کے فنکاروں نے اپنی تخلیقی صلاحیتوں سے بلوچستان کا مثبت اور خوبصورت چہرہ دنیا کے سامنے پیش کیا ہے۔
متعلقہ عنوانات
پاکستان اور چین کا قانون نافذ کرنے والے اداروں میں معاونت بڑھانے پر اتفاق
18 November 2026
بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار
18 November 2026
گھاس والی پچز تیار کرنا فاسٹ بولرز کیلئے مثبت قدم ہے: عامر جمال
18 November 2026
اے سی سی ایشیا کپ رائزنگ سٹارز ٹرافی کی رونمائی کر دی گئی
18 November 2026
بچوں کے استحصال میں ملوث افراد کیلئے نیا ایکٹ لائیں گے: مریم نواز
18 November 2026
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026