پہلا ون ڈے، پاکستان نے آسٹریلیا کو 5 وکٹ سے ہرا دیا

پاکستان نے پہلے ایک روزہ بین الاقوامی میچ میں آسٹریلیا کو 5 وکٹوں سے شکست دے کر سیریز کا شاندار آغاز کردیا۔
آسٹریلیا کی جانب سے مقرر کردہ 201 رنز کا ہدف قومی ٹیم نے 42 اعشاریہ 3 اوورز میں 5 وکٹوں کے نقصان پر حاصل کرلیا۔
ابتدائی مرحلے میں صاحبزادہ فرحان 28 اور ماز صداقت 8 رنز بنا کر آؤٹ ہوگئے، تاہم اس کے بعد بابر اعظم اور محمد غازی غوری نے ذمہ دارانہ بیٹنگ کرتے ہوئے ٹیم کی پوزیشن مستحکم بنائی۔
بابر اعظم 69 اور محمد غازی غوری 65 رنز بنا کر نمایاں رہے جبکہ سلمان علی آغا 6 رنز اسکور کر سکے۔
آخر میں عرفات مہناس 18 رنز کے ساتھ ناٹ آؤٹ رہے جبکہ عبدالصمد نے بھی وکٹ پر موجود رہتے ہوئے ٹیم کی فتح یقینی بنائی۔
آسٹریلیا کی جانب سے ناتھن ایلس دو وکٹیں حاصل کرنے میں کامیاب رہے جبکہ میتھیو کوہنیمن، مارنس لبوشین اور تنویر سنگھا نے ایک، ایک کھلاڑی کو آؤٹ کیا۔