ابراہیمی معاہدے سے متعلق افواہیں بے بنیاد، فلسطین پر مؤقف میں کوئی لچک نہیں: اسحاق ڈار

واشنگٹن میں نائب وزیراعظم و وزیر خارجہ اسحاق ڈار نے واضح کیا ہے کہ ابراہیمی معاہدے سے متعلق گردش کرنے والی افواہوں میں کوئی صداقت نہیں اور فلسطین کے حوالے سے پاکستان اپنے اصولی مؤقف پر قائم ہے۔

واشنگٹن میں صحافیوں سے گفتگو کرتے ہوئے اسحاق ڈار نے کہا کہ پاکستان کا مؤقف واضح ہے کہ جب تک فلسطین کو انیس سو سڑسٹھ سے پہلے کی سرحدوں اور القدس الشریف کو دارالحکومت کے طور پر تسلیم نہیں کیا جاتا، اس وقت تک کسی بھی مؤقف میں کوئی نرمی یا تبدیلی ممکن نہیں۔

انہوں نے کہا کہ پاکستان امن کا داعی ہے اور عالمی سطح پر تنازعات کے حل کے لیے مثبت کردار ادا کرتا رہا ہے۔ ان کے مطابق پاکستان کی کوششوں سے امریکا اور ایران کے درمیان مذاکرات کی راہ ہموار ہوئی اور فریقین کو بات چیت کی میز پر لایا گیا۔

اسحاق ڈار نے مزید کہا کہ وزیراعظم اور عسکری قیادت کی مشترکہ حکمت عملی کے باعث پاکستان کو عالمی سطح پر نئی شناخت ملی ہے جبکہ خطے میں پاکستان کو تنہا کرنے کی کوششیں ناکام ہوئیں۔

انہوں نے کہا کہ کشمیری عوام کو اقوام متحدہ کی قراردادوں کے مطابق حق خودارادیت ملنا چاہیے اور پاکستان اس مؤقف پر بھی مکمل طور پر قائم ہے۔

واشنگٹن میں امریکی وزیر خارجہ مارکو روبیو سے ملاقات کا حوالہ دیتے ہوئے انہوں نے کہا کہ یہ ملاقات خوشگوار ماحول میں ہوئی جس میں پاکستانی سفیر اور دیگر اعلیٰ حکام بھی شریک تھے۔

ادھر سابق امریکی صدر ڈونلڈ ٹرمپ کی جانب سے مسلم ممالک کو ابراہیمی معاہدے کا حصہ بننے کے بیان کے بعد خ