نیو یارک : اسحاق ڈار اور چینی وزیر خارجہ وانگ ای کی ملاقات، خطے کی صورتحال پر گفتگو

نیو یارک میں نائب وزیراعظم اور وزیر خارجہ اسحاق ڈار کی چینی وزیر خارجہ وانگ ای سے اہم ملاقات ہوئی ہے جس میں خطے کی صورتحال اور عالمی نظام سے متعلق امور پر تفصیلی تبادلہ خیال کیا گیا۔

ملاقات کے دوران دونوں رہنماؤں نے خطے میں امن کے فروغ، کثیر الجہتی تعاون اور قواعد پر مبنی عالمی نظام کو مضبوط بنانے پر مکمل اتفاق کیا۔

اس سے قبل اقوام متحدہ کے ہیڈ کوارٹرز میں منعقدہ گروپ آف فرینڈز آن گلوبل گورننس کے اجلاس سے خطاب کرتے ہوئے اسحاق ڈار نے کہا تھا کہ پاکستان اور چین ایک منصفانہ اور جامع عالمی نظام کے حامی ہیں۔

انہوں نے اپنے خطاب میں کہا کہ چین عالمی سطح پر استحکام کی علامت اور ترقی پذیر ممالک کا مضبوط شراکت دار ہے۔

اسحاق ڈار نے مزید کہا کہ دنیا اس وقت مختلف اور باہم جڑے ہوئے بحرانوں کا سامنا کر رہی ہے، اور پاکستان چینی قیادت کے گلوبل گورننس انیشیٹو کی مکمل حمایت کرتا ہے۔

اقوام متحدہ کا ادارہ بھی اس عالمی مکالمے میں اہم کردار ادا کر رہا ہے جس کا مقصد بین الاقوامی تعاون کو فروغ دینا ہے۔