ہم سب مل کر اسٹیبلشمنٹ اور ملک کو مضبوط بنائیں گے، صدر آصف زرداری
Web Desk
28 May 2026
صدر مملکت آصف علی زرداری نے کہا ہے کہ ہم سب مل کر اسٹیبلشمنٹ کے ہاتھ مضبوط کریں گے اور ملک کو مزید مستحکم بنائیں گے۔
سندھ کے شہر مورو میں کارکنوں سے خطاب کرتے ہوئے آصف علی زرداری نے کہا کہ پاکستان پیپلز پارٹی شہید ذوالفقار علی بھٹو کی سیاسی وراثت کو آگے لے کر چل رہی ہے اور پارٹی نے ہمیشہ انیس سو تہتر کے آئین کے تحت سیاست کی ہے۔
صدر مملکت نے کہا کہ بھٹو خاندان کے شہداء نے ملک اور جمہوریت کے لیے اپنی جانوں کی قربانیاں دی ہیں جبکہ پاکستان کے استحکام اور عوامی خودمختاری کے لیے جدوجہد جاری رکھی جائے گی۔
انہوں نے کہا کہ بھارت کو ایک ہفتے کی جنگ میں سبق سکھایا گیا، جب بھارتی طیارے گرائے گئے تو ان کی عقل ٹھکانے آگئی۔ آصف علی زرداری کا کہنا تھا کہ پاکستان کے پاس بھارت کے چالیس طیاروں کو نشانہ بنانے کی صلاحیت موجود تھی تاہم ذمہ داری کا مظاہرہ کیا گیا۔
صدر مملکت نے کہا کہ بھارتی طیاروں نے معصوم پاکستانیوں پر حملے کیے تھے، پاکستان نے ان کے آٹھ طیارے مار گرائے۔ انہوں نے بھارت میں مسلمانوں پر ہونے والے مظالم کا ذکر کرتے ہوئے کہا کہ بھارتی ذرائع ابلاغ وہاں کے حالات دنیا کے سامنے نہیں لاتے جبکہ بھارتی حکومت سوچنے سمجھنے کی صلاحیت سے محروم ہوچکی ہے۔
آصف علی زرداری نے کہا کہ عوام کو معاشی خودمختاری دینا وقت کی اہم ضرورت ہے، جدید تقاضوں کے مطابق زراعت کو فروغ دے کر ملکی معیشت کو مضبوط بنایا جائے گا۔
انہوں نے مزید کہا کہ پاکستان ہے تو ہم سب ہیں اور قومی اتحاد ہی ملک کی ترقی اور استحکام کی ضمانت ہے۔
متعلقہ عنوانات
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026