وزیراعظم شہباز شریف کی اعلیٰ حکومتی اور سیاسی شخصیات سے رابطے، عید کی مبارکباد دی

اسلام آباد: شہباز شریف نے عیدالاضحیٰ کے موقع پر مختلف اعلیٰ حکومتی، آئینی اور سیاسی شخصیات سے ٹیلیفونک رابطے کرتے ہوئے عید کی مبارکباد دی۔
وزیراعظم نے صدرِ مملکت، گورنر پنجاب، گورنر بلوچستان، گورنر خیبر پختونخوا، اسپیکر قومی اسمبلی، وزیر اعلیٰ پنجاب، وزیر اعلیٰ سندھ، وزیر اعلیٰ بلوچستان اور وزیر اعلیٰ گلگت بلتستان سے علیحدہ علیحدہ گفتگو کی۔
اس کے علاوہ وزیراعظم نے عبدالعلیم خان، استحکام پاکستان پارٹی کے رہنماؤں، خالد مگسی اور آفتاب شیرپاؤ سے بھی ٹیلیفونک رابطہ کیا اور عید کی مبارکباد پیش کی۔
گفتگو کے دوران ملک کی مجموعی سیاسی صورتحال، وفاق اور صوبوں کے درمیان روابط اور باہمی تعاون کے امور پر تبادلۂ خیال کیا گیا۔
وزیراعظم نے دعا کی کہ اللہ تعالیٰ پاکستان کو امن، ترقی، خوشحالی اور استحکام عطا فرمائے اور قوم کو اتحاد و اتفاق کی نعمت سے نوازے۔
انہوں نے کہا کہ وفاقی حکومت تمام صوبوں اور اکائیوں کے ساتھ مل کر عوام کو زیادہ سے زیادہ ریلیف فراہم کرنے کے لیے اقدامات جاری رکھے گی