LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
وزیراعظم کو عوامی ہال میں چینی ہم منصب کا پرتپاک استقبالیہ، گارڈ آف آنر پیش پاکستانی نژاد برطانوی باکسر حمزہ شیراز عالمی چیمپئن بن گئے سٹاک مارکیٹ میں زبردست تیزی، انڈیکس ایک لاکھ 71 ہزار پوائنٹس کی حد پر بحال عوامی ٹرانسپورٹ میں اوورچارجنگ، اوورلوڈنگ کیخلاف سخت کارروائی کا حکم امریکا،ایران معاہدے کو حتمی شکل دینے میں چند دن لگ سکتے ہیں: امریکی میڈیا سوات ایکسپریس وے پر وین کی بس کو ٹکر، 11 افراد جاں بحق، 7 زخمی امریکہ ایران معاہدے پر غیر یقینی صورتحال، عالمی تیل کی قیمتوں میں نمایاں کمی ایرانی و عمانی سفارتکاروں کا رابطہ، سفارتی رابطوں کی اہمیت کا اعادہ امریکی صدر اور انکی انتظامیہ کو ایران کی پالیسی بارے شدید تنقید کا سامنا بیرسٹر گوہر اور سہیل آفریدی نے محسن نقوی سے ملاقات خاندان کو اعتماد میں لیے بغیر کی:علیمہ خان  شکیرا کے فیفا ورلڈ کپ 2026 گانے کی ویڈیو جاری، میسی اور امباپے سمیت عالمی ستارے شامل پاکستان اور چینی کمپنیوں کے درمیان 7 ارب ڈالر سے زائد کے معاہدوں پر دستخط ایران کی کوئٹہ دھماکے کی شدید مذمت، دہشت گردی کے خلاف مشترکہ تعاون پر زور 8ذوالحج: مناسک حج کا آغاز، 20 لاکھ سے زائد عازمین منیٰ پہنچنے لگے بلوچستان حملہ پوری قوم کے دل پر وار ہے: نواز شریف

سوات ایکسپریس وے پر وین کی بس کو ٹکر، 11 افراد جاں بحق، 7 زخمی

Web Desk

25 May 2026

سوات ایکسپریس وے پر مسافر وین اور بس کے مابین ہونے والے ایک ہولناک اور المناک سڑک حادثے کے نتیجے میں کم از کم 11 مسافر جاں بحق جبکہ 7 افراد شدید زخمی ہو گئے ہیں۔ موٹر وے پولیس کی جانب سے جاری کردہ ابتدائی معلومات کے مطابق، یہ افسوسناک حادثہ مسافر وین کے ڈرائیور کی مبینہ غفلت، تیز رفتاری اور شدید لاپرواہی کے باعث پیش آیا۔

پولیس حکام نے واقعے کی تفصیلات بتاتے ہوئےکہا کہ ایک انتہائی تیز رفتار مسافر وین نے سڑک کے کنارے پہلے سے کھڑی ایک مسافر بس کو پیچھے سے زوردار ٹکر ماری، جس کے نتیجے میں دونوں گاڑیاں بری طرح تباہ ہو گئیں۔حادثے کا شکار ہونے والی مسافر بس کراچی سے بونیر جا رہی تھی، جبکہ پیچھے سے ہٹ کرنے والی تیز رفتار وین راولپنڈی سے دیر کی طرف گامزن تھی۔

خونریز حادثے کی اطلاع ملتے ہی موٹر وے پولیس کی ریسکیو ٹیمیں اور ضلعی انتظامیہ فوری طور پر جائے وقوعہ پر پہنچ گئیں۔ امدادی کارکنوں نے گاڑیوں کے حصے کاٹ کر لاشوں اور زخمیوں کو باہر نکالا۔ موٹر وے پولیس کے مطابقتمام جاں بحق ہونے والے افراد کی نعشوں اور شدید زخمی مسافروں کو فوری طور پر مردان میڈیکل کمپلیکس (MMC) منتقل کر دیا گیا ہے، جہاں ہسپتال انتظامیہ کی جانب سے ہنگامی حالت (ایمرجنسی) نافذ کر کے زخمیوں کو بچانے کے لیے فوری طبی امداد فراہم کی جا رہی ہے۔ انتظامیہ کے مطابق بعض زخمیوں کی حالت تشویشناک ہے جس کے باعث ہلاکتوں میں مزید اضافے کا خدشہ ہے۔

سماجی و عوامی حلقوں نے ایکسپریس ویز پر گاڑیوں کی تیز رفتاری کی نگرانی کے نظام کو مزید سخت کرنے کا مطالبہ کیا ہے تاکہ تیز رفتاری اور نیند کے غلبے کے باعث پیش آنے والے ایسے قیمتی جانوں کے ضیاع کو روکا جا سکے۔