ٹرین دھماکے سمیت بلوچستان میں بڑھتی بدامنی پر انسانی حقوق کمیشن کا شدید تشویش کا اظہار
Web Desk
24 May 2026
انسانی حقوق کمیشن پاکستان نے بلوچستان میں بڑھتی ہوئی بدامنی اور سیکیورٹی صورتحال پر شدید تشویش کا اظہار کرتے ہوئے کہا ہے کہ صوبے میں شہریوں پر حملوں میں خطرناک اضافہ دیکھنے میں آ رہا ہے۔
کوئٹہ میں مسافر ٹرین پر ہونے والے بم دھماکے کو شہریوں پر حملوں میں خطرناک اضافہ قرار دیتے ہوئے کہا گیا کہ اس واقعے میں خواتین اور بچوں سمیت متعدد افراد جاں بحق اور زخمی ہوئے، جو انتہائی افسوسناک ہے۔
بیان میں کہا گیا کہ چاغی، ریکوڈک اور زیارت میں اغوا اور حملوں کے واقعات پر بھی شدید تشویش ہے، جبکہ گزشتہ ایک ہفتے کے دوران ایک پولیس اہلکار سمیت 21 شہریوں کے اغوا کے واقعات رپورٹ ہوئے ہیں۔
کمیشن کے مطابق مختلف علاقوں میں مسلح گروہوں کی جانب سے گاڑیوں کو نذر آتش کرنے کی اطلاعات بھی موصول ہوئی ہیں، جبکہ نوشکی اور قلات میں مزدوروں اور پولیس اہلکاروں کے اغوا کے واقعات بھی سامنے آئے ہیں۔
بیان میں کہا گیا کہ بلوچستان کے بعض علاقوں میں ریاستی رٹ کمزور ہونے کا خدشہ بڑھ رہا ہے، جو انتہائی تشویشناک ہے۔
انسانی حقوق کمیشن نے کہا کہ شہریوں کو تنازعات میں سودے بازی کے طور پر استعمال کرنا ناقابل قبول ہے، اور وفاقی و صوبائی حکومتوں کو شہریوں کے تحفظ کو اولین ترجیح دینی چاہیے۔
مزید کہا گیا کہ انسانی حقوق کی خلاف ورزیوں میں ملوث عناصر کا فوری اور مؤثر احتساب ضروری ہے۔
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026